کس کو روتا ہے ، عمر بھر کوئی

آدمی جلد ، بھول جاتا ہے

ہو برا انسان کے افلاس کا

چھین لیتا ہے سبھی اچھائیاں

اس دور میں ، زندگی بشر کی

بیمار کی ، رات ہو گئی ہے

ہم سے کیا ہو سکا ، محبت میں

خیر تم نے تو ، بےوفائی کی

تم اسے شکوہ سمجھ کر ، کس لئے شرما گئے

مدتوں کے بعد دیکھا تھا ، تو آنسو آ گئے

آنسو کو مرے کھیل ، تماشا نہ سمجھنا

پتھر بھی تو کٹ جاتا ہے ، ہیرے کی کنی سے

وقتِ پیری دوستوں کی ، بےرخی کا کیا گلہ

بچ کے چلتے ہیں سبھی گرتی ہوئی دیوار سے

کون روتا ہے ، کسی اور کی خاطر اے دوست!

سب کو اپنی ہی کسی بات پہ رونا آیا

کیا بزمِ داستاں تھی ، ابھی کل کی بات ہے

معلوم ہو رہا ہے کہ ، صدیاں گزر گئیں

کلی کوئی جہاں پر کھل رہی ہے

وہیں اک پھول بھی مرجھا رہا ہے

کہہ دیا تو نے جو معصوم ، تو ہم ہیں معصوم

کہہ دیا تو نے گنہ گار ، گنہ گار ہیں ہم

کوئی افسانہ ، چھیڑ تنہائی

رات کٹتی نہیں ، جدائی کی

اب تو ان کی یاد بھی آتی نہیں

کتنی تنہا ہو گئیں تنہائیاں

میں ہوں ، دل ہے ، تنہائی ہے

تم بھی ہوتے ، اچھا ہوتا

کون یہ لے رہا ہے انگڑائی

آسمانوں کو نیند آتی ہے

پستیوں نے جب بھی لیں انگڑائیاں

زلزلوں سے ہل اٹھیں اونچائیاں

مری تسبیح کے دانے ہیں ، یہ بھولی صورتوں والے

نگاہوں میں پھراتا ہوں ، عبادت ہو تی جاتی ہے

حالانکہ ان کو دیکھ کے پلٹی ہی تھی نگاہ

محسوس یہ ہوا ، کہ زمانہ گزر گئے

ان نگاہوں نے تو کچھ کہا بھی نہیں

بات پہنچی ہے لیکن کہاں سے کہاں

لے اڑی تجھ کو نگاہِ شوق ، کیا جانے کہاں

تیری صورت پہ بھی اب ، تیرا گماں ہوتا نہیں

نہ کوئی وعدہ ، نہ کوئی یقیں ، نہ کچھ امید

مگر ہمیں تو ، ترا انتظار کرنا تھا

ہمیں بھی دیکھ جو اس درد سے ، کچھ ہوش میں آئے

ارے دیوانہ ہو جانا محبت میں تو آساں ہے

درد ہی درد کی دوا بن جائے

زخم ہی زخمِ دل کا مرہم ہو

ذرہ ذرہ کانپ رہا ہے

کس کے دل میں درد اٹھا ہے

موت کا بھی علاج ہو شاید

زندگی کا کوئی علاج نہیں

زندگی ہی ، اجڑ گئی ، اے دل

ہم کہاں ، کس نگر میں ، جا کے بسیں

غرض کہ کاٹ دئے ، زندگی کے دن اے دوست!

وہ تری یاد میں ہوں یا تجھے بھلانے میں

تو یاد آیا ، ترے جور و ستم لیکن ، نہ یاد آئے

محبت میں یہ معصومی بڑی مشکل سے آتی ہے

دلِ غمگیں کی کچھ ، کیفیتیں ایسی بھی ہوتی ہیں

کہ ایسے میں تری یادوں کا آنا بھی کھٹکتا ہے

اب یادِ رفتگاں کی بھی ہمت نہیں رہی

یاروں نے کتنی دور بسائی ہیں بستیاں

طبیعت اپنی گھبراتی ہے جب سنسان راتوں میں

ہم ایسے میں تری یادوں کی چادر تان لیتے ہیں

اب آ گئے ہیں آپ تو ، آتا نہیں ہے یاد

ورنہ کچھ ہم کو آپ سے کہنا ضرور تھا

اک مدت سے تری یاد بھی آئی نہ ہمیں

اور ہم بھول گئے ہوں تجھے ایسا بھی کہاں

میں آج صرف محبت کے غم کروں گا یاد

یہ اور بات ہے تیری بھی یاد آ جائے

سامنے تیرے جیسے کوئی بات

یاد آ آ کے بھول جاتی ہے

اب تو ان کی یاد بھی آتی نہیں

کتنی تنہا ہو گئیں تنہائیاں

دلوں میں تیرے تبسم کی ، یاد یوں آئی

کہ جگمگا اٹھیں جس طرح ، مندروں میں چراغ

حیراں ہوئے نہ تھے جو ، تصور میں بھی کبھی

تصویر ہو گئے ، تری تصویر دیکھ کر

ترا وصال بڑی چیز ہے مگر اے دوست!

وصال کو ، مری دنیائے آرزو نہ بنا

کچھ ایسی بھی گزری ہیں ترے ہجر میں راتیں

دل درد سے خالی ہو مگر نیند نہ آئے

بہت دنوں میں محبت کو یہ ہوا معلوم

جو تیرے ہجر میں گزری ، وہ رات ، رات ہوئی

دردِ فراق ہی میں کٹی ساری زندگی

گرچہ ترا وصال ، بڑا کام بھی نہ تھا

ہم سے کیا ہو سکا محبت میں

تم نے تو خیر بےوفائی کی

ان جفاؤں پر تری اے حسنِ دوست!

کیوں وفاؤں کا گماں ہوتا نہیں

جس میں ہو تیری یاد بھی شامل

ہائے اس بےخودی کو کیا کہئے

کئی بجلیاں بےگرے گر پڑیں

ان آنکھوں کو اب آ گیا مسکرانا

سانس لیتی ہے وہ زمین فراقؔ

جس پہ وہ ناز سے گزرتے ہیں

تیرے آنے کی کیا امید مگر

کیسے کہہ دوں کہ انتظار نہیں

کوئی آیا ، نہ آئے گا ، لیکن

کیا کریں ، گر نہ ، انتظار کریں

نہ کوئی وعدہ ، نہ کوئی یقیں ، نہ کوئی امید

مگر ہمیں تو ترا انتظار کرنا تھا

ہائے ان کی عمر کا رنگیں نظام

بت کدہ کی صبح ، مےخانہ کی شام

عشق دنیا سے بےخبر ہے مگر

پیٹ کی بات جان لیتا ہے

کوئی سمجھے تو ایک بات کہوں

عشق توفیق ہے گناہ نہیں

وقتِ پیری دوستوں کی بےرخی کا کیا گلہ

بچ کے چلتے ہیں سبھی گرتی ہوئی دیوار سے

الفت کا نشہ جب کوئی مر جائے تو جائے

یہ دردِ سری وہ ہے کہ سر جائے تو جائے

غرض کی کاٹ دئے زندگی کے دن اے دوست

وہ تری یاد میں ہوں ، یا تجھے بھلانے میں

کوئی سمجھے تو ایک بات کہوں

عشق توفیق ہے گناہ نہیں

دشمنوں نے تو دشمنی کی ہے

دوستوں نے بھی کیا کمی کی ہے

موت کا بھی علاج ہو شاید

زندگی کا کوئی علاج نہیں

پال لے ایک روگ ناداں زندگی کے واسطے

صرف صحت کے سہارے زندگی کٹتی نہیں

آج آنکھوں میں کاٹ دے شبِ ہجر

زندگانی پڑی ہے سو لینا

غرض کہ کاٹ دئے ، زندگی کے دن اے دوست

وہ تیری یاد میں ہوں ، یا تجھے بھلانے میں

موت کا بھی ، علاج ہو شاید

زندگی کا ، کوئی علاج نہیں

اگر ممکن ہو ، تو سو سو جتن سے

عزیزو! کاٹ لو ، یہ زندگی ہے

گُر زندگی کے سیکھو ، کھلتی ہوئی کلی سے

لب پر ہے مسکراہٹ ، دل خون ہو رہا ہے

اے دوست! یوں تو ہم تری ، حسرت کو کیا کہیں

لیکن یہ زندگی تو ، کوئی زندگی نہیں

بہت پہلے سے ان قدموں کی ، آہٹ جان لیتے ہیں

تجھے اے زندگی! ہم دور سے ، پہچان لیتے ہیں

ترا وصال بڑی چیز ہے مگر اے دوست

وصال کو مری دنیائے آرزو نہ بنا