نصیبوں سے ملتا ہے ، دردِ محبت

یہاں مرنے والے ہی ، اچھے رہے ہیں

تدبیر سے قسمت کی ، برائی نہیں جاتی

بگڑی ہوئی تقدیر ، بنائی نہیں جاتی

کل تک تو آشنا تھے ، مگر آج غیر ہو

دو دن میں یہ مزاج ہے ، آگے کی خیر ہو

ہوا ہے چار سجدوں پر ، یہ دعویٰ زاہدو! تم کو

خدا نے کیا تمہارے ہاتھ ، جنت بیچ ڈالی ہے

الٰہی! کیوں نہیں آتی ، قیامت ، ماجرا کیا ہے

ہمارے سامنے پہلو میں وہ ، دشمن کے بیٹھے ہیں

بات کیا چاہئے ، جب مفت میں حجت ٹھہری

اس گناہ پر مجھے مارا ، کہ گنہ گار نہ تھا

خوب پردہ ہے کہ ، چلمن سے لگے بیٹھے ہیں

صاف چھپتے بھی نہیں ، سامنے آتے بھی نہیں

دل کا کیا حال کہوں ، صبح کو جب اس بت نے

لے کے انگڑائی کہا ، ناز سے ہم جاتے ہیں

وقتِ پیری شباب کی باتیں

ایسی ہیں جیسے ، خواب کی باتیں

تجھے تو وعدۂ دیدار ، ہم سے کرنا تھا

یہ کیا کیا کہ ، جہاں کو امیدوار کیا

ہزاروں حسرتیں ایسی کہ روکے سے نہیں رکتیں

بہت ارمان ایسے ہیں کہ دل کے دل میں رہتے ہیں

رخِ روشن کے آگے شمع رکھ کے وہ یہ کہتے ہیں

ادھر جاتا ہے ، دیکھیں یا ادھر آتا ہے پروانہ

مجھ سے وہ کہتے ہیں پروانے کو دیکھا تو نے

دیکھ یوں جلتے ہیں ، اس طرح سے دم دیتے ہیں

لپٹ جاتے ہیں وہ بجلی کے ڈر سے

الٰہی! یہ گھٹا دو دن تو برسے

مرے خیال میں دنیا اجڑ گئی میری

ترے خیال میں تنکے تھے آشیانے کے

دل دے تو اس مزاج کا پروردگار دے

جو رنج کی گھڑی بھی خوشی سے گزار دے

دل کیا ملاؤگے کہ ہمیں ہو گیا یقیں

تم سے تو خاک میں بھی ملایا نہ جائے گا

دل نے مجھے تڑپایا ، آنکھوں نے کیا رسوا

اپنوں سے ہوا یہ سب ، بیگانوں سے کیا ہوتا

کس کس کی چاہ کیجئے ، کس کس کی آرزو

اک دل ہزار غم میں گرفتار ہو گیا

غضب ہے جن پہ دل آئے ، کہیں انجان بن کر وہ

کہاں آیا ، کدھر آیا ، یہ کیوں آیا ، یہ کب آیا

دل کی قیمت ، اک نگہ ہے اے صنم

آگے جو آئے ، ترے ایمان میں

چھائی جاتی ہے یہ وحشت کیسی

گھر بیابان ہوا جاتا ہے

ہجر کی یہ رات کیسی رات ہے

ایک میں ہوں یا خدا کی ذات ہے

باوفا کہہ کے بےوفا نہ کہو

کیوں بدلتے ہو اتنی پیاری بات

یاد رہ جائے گی جفا تیری

دن گزر جائیں گے مصیبت کے

یوں وفا اڑ گئی زمانے سے

کبھی گویا کسی میں تھی ہی نہیں

رہ گئے لاکھوں کلیجہ تھام کر

آنکھ جس جانب تمہاری اٹھ گئی

اے نزاکت ترے قربان کہ وقتِ رخصت

وہ کہیں ہم سے کہ گھر تک نہیں جایا جاتا

بچے جان کس طرح تیری ادا سے

قضا پر کہیں بس چلا ہے کسی کا

وہ کہتے ہیں اٹھاؤگے کیا جور تم اے داغؔ

تم سے تو میرا ناز اٹھایا نہ جائے گا

رہتی تھی ان کی یاد ، وہ راتیں کدھر گئیں

اب مجھ کو انتظار ہے ، اس انتظار کا

ہر چند ، راہِ کعبہ و بت خانہ ایک ہے

اے راہ رو،! ہے کام یہاں ، امتیاز کا

کعبہ کی ہے ہوس ، کبھی کوئے بتاں کی ہے

مجھ کو خبر نہیں ، مری مٹی کہاں کی ہے

ایک تو حسنِ بلا اس پہ بناوٹ آفت

گھر بگاڑیں گے ہزاروں کا ، سنورنے والے

وقت تو دو ہی کٹھن گزرے ہیں میری عمر میں

اک ترے آنے سے پہلے اک ترے جانے کے بعد

پوچھئے مے کشوں سے لطفِ شراب

یہ مزہ پاکباز کیا جانیں

روح کس مست کی پیاسی گئی مے خانہ سے

مے اڑی جاتی ہے ساقی ترے پیمانے سے

ساقیا تشنگی کی تاب نہیں

زہر دے دے اگر شراب نہیں

عاشقی سے ملے گا اے زاہد!

بندگی سے خدا نہیں ملتا

محتسب توڑ کے شیشہ نہ بہا مفت شراب

ارے کمبخت چھڑک دے اسے مےخواروں پر

مےکشو! حضرتِ زاہد کی تلاشی لینا

کہ چھپائے ہوئے وہ جام لئے جاتے ہیں

لطفِ مے تجھ سے کیا کہوں زاہد

ہائے کمبخت تو نے پی ہی نہیں

جلوے مری نگاہ میں کون و مکاں کے ہیں

مجھ سے کہاں چھپیں گے وہ ایسے کہاں کے ہیں

اے عشق دیکھ ہم ہیں کس دل کے آدمی

مہماں بنا کے غم کو کلیجہ کھلا دیا

دفعتاً ترکِ تعلق میں بھی رسوائی ہے

الجھے دامن کو چھڑاتے نہیں جھٹکا دے کر

بیٹھے ہیں راہِ دوست میں ہم پاؤں توڑ کر

اب فکر کیا ہے منزلِ دشوار کے لئے

مرے خیال میں دنیا اجڑ گئی میری

ترے خیال میں تنکے تھے آشیانہ کے

عاشقی سے ملے گا اے زاہد!

بندگی سے کدا نہیں ملتا

لپٹ جاتے ہیں وہ بجلی کے ڈر سے

الٰہی! یہ گھٹا دو دن تو برسے

ایک ساغر پہ ہے موقوف ، اپنی زندگی

رفتہ رفتہ اس سے بھی ، کم کیا کریں

جس نے مرے ہوش ربا کو نہیں دیکھا

اس دیکھنے والے نے خدا کو نہیں دیکھا

خدا کی قسم اس نے کھائی جو آج

قسم ہے خدا کی مزہ آ گیا

مری آہ کا تم اثر دیکھ لینا

وہ آئیں گے تھامے جگر ، دیکھ لینا

کمبخت وہی داغؔ نہ ہو ، دیکھیو کوئی

بےچین کئے دیتی ہے ، فریاد کسی کی