سائل سے خفا یوں مرے پیارے نہیں ہوتے

کیا مانگنے والوں کے گذارے نہیں ہوتے

کیوں ہمیں موت کے پیغام دئے جاتے ہیں

یہ سزا کم تو نہیں ہے کہ جئے جاتے ہیں

نیکی بدی کی اب کوئی میزان ہی نہیں

ایماں کی بات یہ ہے کہ ایمان ہی نہیں

رسم الفت جہاں میں عام کرو

پیار سے دشمن کو رام کرو

منزلِ صدق و صفا کا راستہ اپنائیے

کاروانِ زندگی کے رہنما بن جائیے

پتھر ہی رہنے دیجئے شیشہ نہ کیجئے

احباب سے وفا کا تقاضا نہ کیجئے

جو ضروری ہے کار کر پہلے

شکرِ پروردگار کر پہلے

برکت ہمارے رزق میں آئے گی کس طرح

گھر میں ہمارے جب کوئی مہمان ہی نہیں

عاشق کی آہ و زاری پہ، نالوں پہ ٹیکس ہو

سب مہوشوں پہ ، ماہ جمالوں پہ ٹیکس ہو

جام چلنے لگے دل مچلنے لگے

انجم جھوم اٹھی بزم لہرا گئی

آج اک اجنبی سے نگاہیں ملیں

صرف اک لمحۂ مختصر کے لئے

رخ سے پردہ اٹھا دے ذرا ساقیا

بس ابھی رنگ محفل بدل جائےگا