امید تو بندھ جاتی ، تسکین تو ہو جاتی

وعدہ نہ وفا کرتے ، وعدہ تو کیا ہوتا

یہ آگ اور نہیں دل کی آگ ہے ناداں

چراغ ہو کہ نہ ہو ، جل بجھیں گے پروانے

ناکامیوں پہ اپنی ہنسی آ گئی تھی آج

سو کتنے شرمسار ہوئے بےکسی سے ہم

چار تنکے ہی سہی صیاد

میری دنیا تھی آشیانے میں

آئینہ یہ تو بتاتا ہے ، میں کیا ہوں لیکن

آئینہ اس پہ ہے خاموش کہ کیا ہے مجھ میں

دیوانگیٔ عشق کے بعد آ ہی گیا ہوش

اور ہوش بھی وہ ہوش کہ دیوانہ بنا دے

مل ہی جاتا ہے کوئی دل کو دکھانے والا

ورنہ اس دور میں جینے کا سہارا کیا ہے

تم گل سے گال قبر پہ رکھتے تو بات تھی

کیا فائدہ جو پھولوں کا انبار کر دیا

چمن کے رہنے والوں سے تو ، ہم صحرا نشیں اچھے

بہار آ کے چلی جاتی ہے ، ویرانی نہیں جاتی

خزاں کی رات تڑپ کے کاٹنے والے

تجھے بہار میں نیند آ گئی تو کیا ہوگا

دامن کسی کا ہاتھ سے جاتا رہا مگر

اک رشتۂ خیال ہے ، جو ٹوٹتا نہیں

مجھے شکوہ نہیں کچھ ، بےوفائی کا تری ہرگز

گلہ تب ہو اگر تو نے ، کسی سے بھی نبھائی ہو

نہ جانے بات کیا ہے ، تمہیں جس دن سے دیکھا ہے

مری آنکھوں سے یہ دنیا حسیں معلوم ہوتی ہے

تیرے آنے کی کیا امید مگر

کیسے کہہ دوں کہ انتظار نہیں

نہیں شکوہ مجھے کچھ ، بےوفائی کا تری ہرگز

گلہ تب ہو ، اگر تو نے ، کسی سے بھی نبھائی ہو