گر زندگی کے سیکھو کھلتی ہوئی کلی سے

لب پر ہے مسکراہٹ دل خون ہورہا ہے

زندگی کیا ہے عناصر میں ظہورِ ترتیب

موت کیا ہے انہیں اجزاء کا پریشاں ہونا

بس یہی دوڑ ہے ، اس دور کے انسانوں کی

تری دیوار سے ، اونچی مری دیوار بنے

نصیبوں سے ملتا ہے ، دردِ محبت

یہاں مرنے والے ہی ، اچھے رہے ہیں

گر کچھ نہ بن پڑی ، تو ڈبو دیں گے سفینہ

ساحل کی قسم ، منتِ طوفاں نہ کریں گے

شبِ فرقت کے ، جاگنے والے

کیا کرے گا ، اگر سحر نہ ہوئی

کہاں گم ہو گئے ہیں وہ خدا جانے

میں اپنے آنسؤوں کو ڈھونڈھتا ہوں

مسجد میں اس نے ہم کو ، آنکھیں دکھا کے مارا

کافر کی شوخی دیکھو ، گھر میں خدا کے مارا

دل ہے قدموں پر کسی کے ، سر جھکا ہو یا نہ ہو

بندگی تو اپنی فطرت ہے ، خدا ہو یا نہ ہو

سجدہ ہو بےخلوص ، تو سجدہ بھی ہے گناہ

لغزش میں ہو خلوص تو ،لغزش نماز ہے

دنیا تو اسی کی ہے ، دنیا کو جو ٹھکرا دے

جتنا اسے ٹھکرایا ، اتنی ہی قریب آئی

کیا تری دریا دلی ہے اے خدا میرے لئے

ہر قیامت ہر مصیبت ہر بلا میرے لئے

کوئی افسانہ ، چھیڑ تنہائی

رات کٹتی نہیں ، جدائی کی

کتنے شیریں ہیں ، تیرے لب کہ رقیب

گالیاں کھا کے بے مزہ نہ ہوا

الٰہی! کیا علاقہ ہے وہ ، جب لیتے ہیں انگڑائی

مرے سینہ میں سب زخموں کے ٹانکے ٹوٹ جاتے ہیں