نقاب-حجاب-پردہ

مجھ کو یہ آرزو ، وہ اٹھائیں نقاب خود

ان کو یہ انتظار ، تقاضا کرے کوئی

خوب پردہ ہے کہ ، چلمن سے لگے بیٹھے ہیں

صاف چھپتے بھی نہیں ، سامنے آتے بھی نہیں

ابھی رات کچھ ہے باقی ، نہ اٹھا نقاب ساقی

ترا رند گرتے گرتے ، کہیں پھر سنبھل نہ جائے

میری حیرت کی قسم ،آپ اٹھائیں تو نقاب

میرا ذمہ ہے کہ ، جلوے نہ پریشاں ہوں گے

کیوں دید کے طالب کو تم نے ، شہ دے کے تڑپتا چھوڑ دیا

کیا جان کے پردہ کھولا تھا ، کیا دیکھ کے پردہ چھوڑ دیا

دھوکا اس سے کھا گیا میں ، اس لئے اے ساہنیؔ

اس نے رخ پہ ڈال رکھا تھا ، نقابِ دوستی