در-دیوار-آستاں

دیوار کیا گری مرے ، خستہ مکان کی

لوگوں نے میرے صحن میں ، رستے بنا لئے

جھکا کر سر کو ، ترے آستاں پر

بڑھا دی میں نے قیمت سنگِ در کی

وہی میری بدنصیبی ، وہی گردشِ زمانہ

ترے آستاں سے اٹھ کر ، نہ ملا کوئی ٹھکانہ

بیتابیاں بجا مرے ، ذوقِ سجود کی

لیکن اس آستانہ کے لائق ، یہ سر کہاں

جو جھکا ہو کہیں ، تیرے آستاں کے سوا

مری جبیں کو تری ، بندگی نصیب نہ ہو

بیٹھ جاتی ہے وہیں ، ریت کی مانند اشوکؔ

جب بھی دیوار کوئی ، عزم سے ٹکراتی ہے