دیر و حرم (مندر-مسجد)

مسجد میں اس نے ہم کو ، آنکھیں دکھا کے مارا

کافر کی شوخی دیکھو ، گھر میں خدا کے مارا

مسجد کے زیرِ سایہ اک گھر بنا لیا ہے

اک بندۂ کمینہ ہمسایۂ خدا ہے

کیسے مسجد میں ، پیوں میں زاہد

ایک بوتل ہے ، خدا مانگ نہ لے

نہیں معلوم ان کو جو ہمیں ، سمجھانے آئے ہیں

کہ ہم دیر و حرم ہوتے ہوئے ، مےخانے آئے ہیں

کعبہ میں بھی گیا ، نہ گیا ان بتوں کا عشق

اس درد کی ، خدا کے یہاں بھی دوا نہیں

حرم ہو ، دیر ہو یا مےکدہ ، اس سے غرض کیا ہے

جہاں دیکھا ترا جلوہ ، وہیں میں نے جبیں رکھ دی