اردو
urdu hai jiska naam logo

دوست دشمن

دشمنوں کی شناخت مشکل ہے

وہ تو اپنوں میں پائے جاتے ہیں

ساحرہ بیگم

دشمنی جم کر کرو ، مگر یہ گنجائش رہے

گر کبھی ہم ایک ہو جائیں تو شرمندہ نہ ہوں

بشیر بدر

احباب مجھ سے کس لئے ناراض ہو گئے

میں بات کر رہا تھا اندھیرے کے تیر کی

راشد حامدی

دشمنی جب کسی سے ہوتی ہے

ابتدا دوستی سے ہوتی ہے

زبیر ابن سیفی

قبر میں رکھ کر نہ ٹھہرا کوئی دوست

میں نئے گھر میں اکیلا رہ گیا

شمیم جےپوری

یہ پتھر کس طرف سے آ رہے ہیں

یہاں تو آشنا کوئی نہیں ہے

حسن کاظمی

واقف نہ تھے کسی کی ، کبھی دشمنی سے ہم

پہچاننے لگے ہیں ، تری دوستی سے ہم

اشرف رفیع

منافق دوستوں کے درمیاں جینا قیامت ہے

خدا کا شکر ہے لیکن ، مرا ایماں سلامت ہے

اشوک ساہنی