تسلی-تسکین-سکون

کہہ رہا ہے موجِ دریا سے سمندر کا سکوت

جس میں جتنا ظرف ہے اتنا ہی وہ خاموش ہے

ہم کو نہ مل سکا تو فقط اک سکونِ دل

اے زندگی وگرنہ زمانہ میں کیا نہ تھا

اتنی ہی نگاہوں کی مری پیاس بڑھی ہے

جتنی کہ تجھے دیکھ کے تسکین ہوئی ہے

سکونِ دل جہانِ بیش و کم میں ڈھونڈھنے والے

یہاں ہر چیز ملتی ہے سکونِ دل نہیں ملتا

اب مجھ کو ہے قرار تو سب کو قرار ہے

دل کیا ٹھہر گیا کہ زمانہ ٹھہر گیا

بس یہ احساس کہ تو میرا ہے

مجھ کو ہر لمحہ سکوں دیتا ہے