آہ-فغاں-فریاد

آ عندلیب مل کے کریں آہ و زاریاں

تو ہائے گل پکار ، میں چلاؤں ہائے دل

کمبخت وہی داغؔ نہ ہو ، دیکھیو کوئی

بےچین کئے دیتی ہے ، فریاد کسی کی

آہ کو چاہئے اک عمر اثر ہونے تک

کون جیتا ہے تری زلف کے سر ہونے تک

نہ تڑپنے کی اجازت ہے ، نہ فریاد کی ہے

گھٹ کے مر جاؤں ، یہ مرضی مرے صیاد کی ہے

اب کوئی صدا ، میری صدا پر نہیں دیتا

آوازِ طرب اور تھی ، آوازِ فغاں اور

نہ ہو حیران میرے قہقہوں پر ، مہرباں میرے

فقط فریاد کا معیار ، اونچا کر لیا میں نے

عشق پابندِ وفا ہے ، نا کہ پابندِ رسوم

سر جھکانے کو نہیں کہتے ہیں ، سجدہ کرنا

آہ مظلوموں کی مت لے اے اشوکؔ

تیری ہستی کو مٹا سکتی ہے یہ