منزل-کارواں-قافلہ

راہ روکے ہوئے خود راہ نما بیٹھے ہیں

اب کوئی قافلہ گزرے تو کدھر سے گزرے

کارواں کو کس نے لوٹا ، یہ خدا جانے مگر

راہ میں نقشِ قدم ، رہبر کے پہچانے گئے

جب سفر بےسمت ہو جائے ، تو پھر ،منزل کہاں

کھونے والے نے کبھی ، اس راز کو پایا نہیں

کیا شکایت منزلِ مقصود ، مل جانے کے بعد

رہبروں کا ساتھ جیسا بھی رہا اچھا رہا

اب اہلِ کارواں پہ لگاتا ہے تہمتیں

وہ ہم سفر جو حیلہ بہانے میں رہ گیا

منزلوں نے جب پکارا ، بےمہابا چل پڑے

ہم نے راہِ شوق میں زادِ سفر رکھا نہیں

آج کے انساں بھی یاروں ، کس قدر معصوم ہیں

چابیوں سے چل رہے ہیں ، منزلیں معدوم ہیں