Urdu Hai Jiska Naam : Urdu Hai Jiska Naam

نہیں آتی جو یاد ان کی تو برسوں تک نہیں آتی

مگر جب یاد آتے ہیںتو پیہم یاد آتے ہیں

حسرت

ان کی یاد ان کی تمناؤں کا غم

کٹ رہی ہے زندگی آرام سے

شکیل

جس کو تم بھول گئے یاد کرے کون اس کو

جس کو تم یاد ہو وہ اور کسے یاد کرے

جوش

غرض کی کاٹ دئے زندگی کے دن اے دوست

وہ تری یاد میں ہوں ، یا تجھے بھلانے میں

فراق

ہم میں ہی تھی نہ کوئی بات ، یاد نہ تم کو آ سکے

تم نے ہمیں بھلا دیا ہم نہ تمہیں بھلا سکے

حفیظ جالندھری

تمہاری یاد کے جب زخم بھرنے لگتے ہیں

کسی بہانے تمہیں یاد کرنے لگتے ہیں

فیض

ہم نے سینہ سے لگایا ، دل نہ اپنا ہو سکا

مسکرا کر تم نے دیکھا ، دل تمہارا ہو گیا

جگر

پڑے تسبیحِ زاہد پر ، نگاہِ مست گر تیری

تو ٹپکے بادۂ انگور ، اس کے دانے دانے سے

ذوق

میرے پسندیدہ اشعار