اردو
urdu hai jiska naam logo

میرے پسندیدہ اشعار

دعا کو ہاتھ کیوں اٹھتے ہیں میرے چارہ سازوں کے

زبان سے کیوں نہیں کہتے کہ امید شفا کم ہے

میلا رام وفا

کیوں دعا مانگ کے توہینِ دعا کرتا ہے

اور ہر چیز بدل سکتی ہے قسمت کے سوا

مخمور دہلوی

آخر تو دعائیں بھی ہیں درپردہ شکایت

لو اب نہ اٹھائیں گے کبھی دستِ دعا ہم

شفا دہلوی

پوچھا نہ جائے گا جو ، وطن سے نکل گیا

بیکار ہے جو دانت ، دہن سے نکل گیا

امیر

عزت اسے ملی جو وطن سے نکل گیا

وہ پھول سر چڑھا جو چمن سے نکل گیا

مجاز

بلبل کو پیار باغ سے کوئل کو بن سے پیار

کیوں کر نہ آدمی کو ہو اپنے وطن سے پیار

بسمل سعیدی

دیر و حرم ہیں شیخ و برہمن کے واسطہ

ہم جن کو پوجتے ہیں وہ پتھر ہی اور ہے

مہندر سنگھ بیدی سحر

رند ایک ، بادہ ایک ، نہ پیمانہ ایک ہے

بالاتفاق ساقیٔ میخانہ ایک ہے

حیدر دہلوی