اردو
urdu hai jiska naam logo

میرے پسندیدہ اشعار

اے مرے ہم نشیں چل کہیں اور چل

اس چمن میں اب اپنا گزارا نہیں

نامعلوم

بات ہوتی گلوں کی تو سہہ لیتے

اب تو کانٹوں پہ بھی حق ہمارا نہیں

نامعلوم

ہم نے اپنے آشیانہ کے لئے

جو چبھیں دل میں وہی تنکے لئے

نامعلوم

غمِ ہستی کا اسدؔ کس سے ہو جزمرگ علاج

شمع ہر رنگ میں جلتی ہے سحر ہونے تک

مرزا غالب

ذرا دیکھ پروانہ کروٹ بدل کر

ستی ہو گئی شمع محفل میں جل کر

ثاقب لکھنوی

رات جیوں شمع کٹی ، ہم کو جو روتے روتے

بہہ گئے اشکوں میں ہم ، صبح کے ہوتے ہوتے

ذوق

غمخوار ہے کوئی ، نہ کوئی غمگسار ہے

مرنے کو ہم ہیں ، رونے کو شمعِ مزار ہے

میلا رام وفا

منجدھار تک پہنچنا تو ہمت کی بات تھی

ساحل کے آس پاس ہی طوفان بن گئے

عدم