اردو
urdu hai jiska naam logo

میرے پسندیدہ اشعار

اتنی توہین نہ کر میری بلانوشی کی

ساقیا مجھ کو نہ دے ماپ کے پیمانہ سے

میلا رام وفا

جس کو دیر و حرم میں کھویا تھا

میکدہ میں وہ زندگی پائی

نریش کمار شاد

یہ شیخ جو کہ مصلیٰ بچھائے بیٹھے ہیں

بتوں کی یاد میں آسن جمائے بیٹھے ہیں

رنجور عظیم آبادی

رندوں کو مے سے اتنی عقیدت تو چاہیے

دل کی جگہ بغل میں ہو شیشہ شراب کا

جلیل مانک پوری

اٹھا جو مینا بہ دست ساقی ، رہا نہ رندوں میں تاب باقی

ہر یک مے کش پکار اٹھا ، یہاں سے پہلے یہاں سے پہلے

شکیل

دیر ہوئی آنے میں تم کو ، شکر ہے پھر بھی آئے تو

آس نے دل کا ساتھ نہ چھوڑا ، ویسے ہم گھبرائے تو

نامعلوم

نکل کر دیر و کعبہ سے اگر ملتا نہ میخانہ

تو ٹھکرائے ہوئے انساں خدا جانے کہاں جات

قتیل

بجا کہ دیر و حرم بھی قریب تھے لیکن

ہماری راہ میں حائل شراب خانہ تھا

نریش شاد