اردو
urdu hai jiska naam logo

میرے پسندیدہ اشعار

جب جب مسجد جانا پڑا ہے

راہ میں اک میخانہ پڑا ہے

نامعلوم

عاشقی سے ملے گا اے زاہد!

بندگی سے کدا نہیں ملتا

داغ دہلوی

کسی رئیس کی محفل کا ذکر کیا ہے امیرؔ

خدا کے گھر بھی نہ جائیں گے بن بلائے ہوئے

امیر مینائی

وہ جو ہم میں تم میں قرار تھا ، تمہیں یاد ہو کہ نہ یاد ہو

وہی وعدہ ، یعنی نباہ کا ، تمہیں یاد ہو کہ نہ یاد ہو

مومن

نکلنا خلد سے آدم کا سنتے آئے تھے لیکن

بہت بے آبرو ہو کر ترے کوچہ سے ہم نکلے

مرزا غالب

بلبل کو پیار باغ سے ، کوئل کو بن سے پیار

کیوں کر نہ آدمی کو ہو اپنے وطن سے پیار

نامعلوم

جب کبھی امن کی انساں نے قسم کھائی ہے

لبِ ابلیس پہ ہلکی سی ہنسی آئی ہے

آنند نرائن ملا

جاتے ہوئے کہتے ہو قیامت کو ملیں گے

کیا خوب قیامت کا ہے گویا کوئی دن اور

مرزا غالب