اردو
urdu hai jiska naam logo

میرے پسندیدہ اشعار

خزاں کے بعد ضرور آئے گی بہار مگر

اجڑ کے بس نہ سکیں گے دلوں کے کاشانے

روش صدیقی

جب بہاروں نے نہ پایا کوئی بھی اپنا مقام

تیرے ہونٹوں کے تبسم سے لپٹ کر سو گئیں

نریش کمار شاد

نہ کیجئے گئی گزری بہار کا ماتم

خزاں کے بعد ہی رنگِ چمن نکھرتا ہے

آسیوچھنی

اگر یہ جانتے ، چن چن کے ، ہم کو توڑیں گے

تو گل کبھی نہ تمنائے رنگ و بو کرتے

ذوق

پھول تو دو دن بہارِ جاں فضا دکھلا گئے

حیف ان غنچوں پہ ہے جو بن کھلے مرجھا گئے

ذوق

غنچوں کے مسکرانے پہ کہتے ہیں ہنس کے پھول

اپنا کرو خیال ہماری تو کٹ گئی

شاد عظیم آبادی

گئے ہیں ہم بھی گلستاں میں بارہا لیکن

کبھی خزاں سے پہلے کبھی بہار کے بعد

عدم

میں گلستاں میں آج ، بلا لوں بہار کو

لیکن یہ چاہتا ہوں ، خزاں روٹھ کر نہ جائے

فنا نظامی