اردو
urdu hai jiska naam logo

میرے پسندیدہ اشعار

فلسفی کو بحث کے اندر خدا ملتا نہیں

ڈور کو سلجھا رہے ہیں اور سرا ملتا نہیں

اکبر الٰہ آبادی

جب کوئی تازہ مصیبت ٹوٹتی ہے اے خدا

ایک عادت ہے کہ تجھ کو یاد کر لیتا ہوں میں

حفیظ جالندھری

خودی کی ابتداء یہ تھی ، کہ اپنے آپ میں گم تھا

خودی کی انتہا یہ ہے ، خدا کو یاد کرتا ہوں

ہری چند اختر

مدت سے ہماری یہ تمنا ہے دعا ہے

آ جائے نظر آنکھ سے جو دل میں چھپا ہے

واعظ دہلوی

دل سے جب نام پکارا تیرا

مل گیا مجھ کو سہارا تیرا

صادق دہلوی

تجھے تشریف فرما میں نے اپنے دل میں دیکھا ہے

مجھے اب واسطہ دیر و حرم سے ہو نہیں سکتا

آزردہ دہلوی

ترے کرم کی بھی کچھ انتہا نہیں یا رب

اگر گناہوں کا مرے کوئی شمار نہیں

فاروق متھراوی

فقیرانہ آئے صدا کر چلے

میاں خوش رہو ہم دعا کر چلے

میر