اردو
urdu hai jiska naam logo

میرے پسندیدہ اشعار

الٰہی کیا قیامت ہے وہ جب لیتے ہیں انگڑائی

مرے سینہ کے سب زخموں کے ٹانکے ٹوٹ جاتے ہیں

امیر مینائی

دیکھے کوئی کیوںکر تری انگڑائی کا عالم

ال ہے کہ لرزتا ہے کماں ہے کہ تنی ہے

قتیل

ہے قیامت بھی ایک شے لیکن

تیری انگڑائی جیت جائے گی

عدم

جب تقاضا نیند کا ہو اور تنہائی نہ ہو

اف وہ کیفیت ، کہ ہو بھی ، اور انگڑائی نہ ہو

اثر لکھنوی

شاخِ گل جھوم کے ، گلزار میں سیدھی جو ہوئی

پھر گیا آنکھ میں نقشہ تری انگڑائی کا

ثاقب کانپوری

ملیں نہ پھول تو تربت پہ مسکرا دینا

سنا ہے پھول برستے ہیں مسکرانے میں

قمر جلال آبادی

وہ آئے ، پھول کچھ ، آنکھوں سے ، کچھ دامن سے برسائے

یہ لو ، تربت میں ہم ہیں ، اور تربت پر بہار آئے

شکیل

موت کے تاریک راستہ میں کوئی مسافر نہ راہ بھولے

میں شمعِ ہستی بجھا کے اپنی ، چراغِ تربت جلا رہا ہوں

بسمل سعیدی