اردو
urdu hai jiska naam logo

میرے پسندیدہ اشعار

تاروں کا گو شمار میں آنا محال ہے

لیکن کسی کو نیند نہ آئے تو کیا کرے

افسر میرٹھی

رت یوں دل میں تری کھوئی ہوئی یاد آئی

جیسے ویرانہ میں چپکے سے بہار آ جائے

فیض

نیند آ رہی ہے ان کو ، آنکھیں جھپک رہی ہیں

لو بند ہو رہا ہے میرا شراب خانہ

شکیل

مجھے دھوکا نہ دیتی ہوں کہیں ترسی ہوئی آنکھیں

تمہیں ہو سامنے یا پھر وہی تصویرِ خواب آئی

آنند نرائن ملا

خزاں کا دور تڑپ کر کاٹنے والے

تجھے بہار میں نیند آ گئی تو کیا ہوگا

مشیر جھنجھانوی

تمام عمر یوں ہی ہو گئی بسر اپنی

شبِ فراق گئی روزِ انتظار آیا

ناسخ

تمام عمر ترا انتظار کر لیں گے

مگر یہ رنج رہے گا کہ زندگی کم ہے

شاہد صدیقی

بجز ترے ، جو کسی اور کی ، طلب ہو مجھے

مری نگاہ ، ترے انتظار ، کو ترسے

شمیم جےپوری