اردو
urdu hai jiska naam logo

میرے پسندیدہ اشعار

نگاہ پڑتی ہے جس وقت دل کے داغوں پر

تو ایک دوست کے احسان یاد آتے ہیں

شمیم کرہانی

کون روتا ہے کسی اور کی خاطر اے دوست

سب کو اپنی ہی کسی بات پہ رونا آیا

ساحر لدھیانوی

رہتی ہے مجھ کو سارے زمانہ سے آشتی

دشمن اگر ہیں سات تو ستر ہزار دوست

امیر مینائی

دوستوں کو بھی ملے درد کی دولت یا رب

میرا اپنا ہی بھلا ہو مجھے منظور نہیں

حفیظ جالندھری

اس سے بڑھ کر دوست کوئی دوسرا ہوتا نہیں

سب جدا ہو جائیں لیکن غم جدا ہوتا نہیں

عدم

دل ابھی پوری طرح ٹوٹا نہیں

دوستوں کی مہربانی چاہئے

اختر

میری بے کسی کا عالم ، مجھے عمر بھر مبارک

میرے دوست کش اب بھی میرا ساتھ چھوڑ دیتے

امرت لال عشرت

وصل کی شب اور اتنی مختصر

دن گنے جاتے تھے اس دن کے لئے

امیر مینائی