اردو
urdu hai jiska naam logo

میرے پسندیدہ اشعار

ہے حصولِ آرزو کا نام ترکِ آرزو

میں نے دنیا چھوڑ دی تو مل گئی دنیا مجھے

سیماب اکبرآبادی

مجھ کو یہ آرزو وہ اٹھائیں نقاب خود

ان کو یہ آرزو تقاضا کرے کوئی

مجاز لکھنوی

ہر اک داغِ تمنا کو کلیجہ سے لگاتا ہوں

کہ گھر آئی ہوئی دولت کو ٹھکرایا نہیں جاتا

مخمور دہلوی

بیٹھے ہیں راہِ دوست میں ہم پاؤں توڑ کر

اب فکر کیا ہے منزلِ دشوار کے لئے

داغ دہلوی

دشمن سے بڑھ کے کوئی نہیں آدمی کے دوست

منظور اپنے حال کی اصلاح ہو اگر

حالی

مٹھیوں میں خاک لے کر دوست آئے وقتِ دفن

زندگی بھر کی محبت کا سلہ دینے لگے

ثاقب

تیرے جلووں نے مجھے گھیر لیا ہے اے دوست

اب تو تنہائی کے لمحے بھی حسیں ہوتے ہیں

سیماب اکبرآبادی

دشمنوں نے تو دشمنی کی ہے

دوستوں نے بھی کیا کمی کی ہے

فراق