اردو
urdu hai jiska naam logo

میرے پسندیدہ اشعار

پتہ یوں تو بتاتے ہیں وہ سب کو لامکاں اپنا

مگر معلوم ہے رہتے ہیں وہ ٹوٹے ہوئے دل میں

انیس داؤد نگری

نہ غرض کفر سے رکھتے ہیں ، نہ اسلام سے کام

مدعا ساقی سے ہے ، اور ہمیں ، جام سے کام

سودا

مرے صنم کا کسی کو نشاں نہیں معلوم

خدا کا نام سنا ہے ، نشاں نہیں معلوم

آتش

جلوے مری نگاہ میں کون و مکاں کے ہیں

مجھ سے کہاں چھپیں گے وہ ایسے کہاں کے ہیں

داغ دہلوی

دن کو دن ، رات کو رات کہتے ہوئے

لوگ ڈرتے ہیں ، حق بات کہتے ہوئے

عزیز بگھروی

عقل میں جو گھر گیا ، لاانتہا کیوں کر ہوا

جو سمجھ میں آ گیا ، پھر وہ خدا کیوں کر ہوا

اکبر الٰہ آبادی