فطرت-عادت

ہے زمانہ کی تو ، فطرت ہی گرا دینے کی

دوستو! کام تمہارا ہے ، سنبھلتے رہنا

مسکراتے ہوئے پھولوں نے کہا شبنم سے

فطرتِ غم سے یہاں کوئی بھی آزاد نہیں

اپنی فطرت کے تقاضے سے ہر اک مجبور ہے

چھوٹ سکتا ہے مزاجِ عشق پروانے سے کیا

نہیں معلوم کیا ایسی کشش ہے حسنِ فطرت میں

محبت کے لئے ہر آدمی مجبور ہوتا ہے

مست بادل وہ بڑھا ، چاند کا بوسہ لینے

آج فطرت بھی گنہ گار نظر آتی ہے

فطرت کبھی نہ لالہ و گل کی بدل سکی

آ آ کے انقلاب گلستاں میں رہ گئے

گلہ نہیں ہے مجھے آپ سے کہ بھول گئے

مرے خدا کو بھی عادت ہے بھول جانے کی

خو ہے خاروں کی ، خار کھانے کی

گل کی عادت ہے مسکرانے کی