مے-شراب-مینا

زاہد وہ بادہ کش ہوں کہ مانگوں اگر دعا

اٹھیں ابھی شراب سے بادل بھرے ہوئے

تری بزمِ مے کا ساقی! یہ عجب نظام دیکھا

جو امینِ مے کدہ تھا ، وہی تشنہ کام دیکھا

اے غمِ زیست میرے ساغر میں

خونِ احساس ہے شراب نہیں

انساں کا خون پینا تو اک رسم عام ہے

انگور کی شراب کا پینا حرام ہے

خود گرے لیکن ، چھلکنے دی نہ مے

اپنے سر لے لیں بلائیں جام کی

ترکِ مے ہی سمجھ اسے ناسح

اتنی پی ہے کہ پی نہیں جاتی

محتسب نہ پھینک ارے محتسب نہ پھینک

ظالم! شراب ہے ارے ظالم! ، شراب

شیخ مے کو حرام کہتے رہے

میں نے پی کر حلال بھی کر لی