وقت

وقت تو دو ہی کٹھن گزرے ہیں میری عمر میں

اک ترے آنے سے پہلے اک ترے جانے کے بعد

کسی لمحہ کی ردا اوڑھ کے سو جاؤں گا

وقت کی راہ میں نقشِ کفِ پا ہوں اے دوست!

کچھ یوں لگتا ہے ترے ساتھ ہی گزرا وہ بھی

ہم نے جو وقت ترے ساتھ گزارا ہی نہیں

وہ وقت کا جہاز تھا ، کرتا لحاظ کیا

میں دوستوں سے ہاتھ ملانے میں رہ گیا

وقتِ پیری دوستوں کی بےرخی کا کیا گلہ

بچ کے چلتے ہیں سبھی گرتی ہوئی دیوار سے

کب سیہ بختی میں ہوتا ہے کسی کا کوئی

عالمِ نزع میں پھر جاتی ہیں آنکھیں اپنی