اردو
urdu hai jiska naam logo

آنکھ

اور بھی میرے لئے آفت کا ساماں ہو گئیں

ہائے وہ مخمور آنکھیں جو پشیماں ہو گئیں

جگر

میرؔ ان نیم باز آنکھوں میں

ساری مستی شراب کی سی ہے

میر

ضبط کر اے دل ، وہ آنسو جو کہ چشمِ تر میں ہے

کچھ نہیں بگڑا ابھی کہ گھر کی دولت گھر میں ہے

نامعلوم

پلکوں کی حد کو توڑ کے دامن میں آ گرا

اک اشک صبر کی توہین کر گیا

نامعلوم

بند تھی آنکھیں کسی کی یاد میں

موت آئی اور دھوکا کھا گئی

نامعلوم

تصویر سی کھنچ جاتی ہے بند کرتے ہی آنکھیں

مجھ سا بھی مصور کوئی دنیا میں ہوا کیا

اشوک ساہنی

روک لے اے آنکھ! جو آنسو کہ چشمِ تر میں ہیں

کچھ نہیں بگڑا ہے اب تک ، گھر کی دولت گھر میں ہے

نامعلوم

شبِ وصل کیا مختصر ہو گئی

ذرا آنکھ جھپکی سحر ہو گئی

نامعلوم