اردو
urdu hai jiska naam logo

آنکھ

تیری آنکھیں بھی مانگتی ہیں شراب

میکدے خود بھی جام پیتے ہیں

عدم

رہ گئے لاکھوں کلیجہ تھام کر

آنکھ جس جانب تمہاری اٹھ گئی

داغ دہلوی

کئی بجلیاں بےگرے گر پڑیں

ان آنکھوں کو اب آ گیا مسکرانا

فراق

تیری آنکھوں کا کچھ قصور نہیں

ہاں مجھی کو خراب ہونا تھا

جگر

تمہاری بےرخی نے لاج رکھ لی بادہ خانے کی

تم آنکھوں سے پلا دیتے تو پیمانے کہاں جاتے

قتیل شفائی

کھلنا کم کم کلی نے سیکھا ہے

تیری آنکھوں کی نیم بازی سے

میر

ٹپک رہا ہے مری آنکھ سے لہو بن کر

عجیب کرب میری چشمِ انتظار میں ہے

راشد حامدی

مجھ کو یہ دنیا حسیں لگنے لگی

تیری آنکھیں مجھ پہ جادو کر گئیں

اشوک ساہنی