اردو
urdu hai jiska naam logo

یاد

اب یادِ رفتگاں کی بھی ہمت نہیں رہی

یاروں نے کتنی دور بسائی ہیں بستیاں

فراق

آہ وہ یاد کہ جس یاد سے ہو کر مجبور

دلِ مایوس نے مجھ کو بھی بھلا رکھا ہے

حسرت

رات یوں دل میں ،تری ، کھوئی ہوئی یاد آئی

جیسے ویرانہ میں چپکے سے بہار آ جائے

فیض

دل تھا کسی کی یاد میں مصروف اور ہم

شیشہ میں زندگی کو اتارے چلے گئے

شکیل

رنج و غم ، درد و الم ، یاس و تمنا ، حسرت

اک تری یاد کے ہونے سے ، ہے کیا کیا دل میں

جوش ملسیانی

طبیعت اپنی گھبراتی ہے جب سنسان راتوں میں

ہم ایسے میں تری یادوں کی چادر تان لیتے ہیں

فراق

یاد آتا ہے مجھے جب بھی تبسم تیرا

دیر تک جلتے چراغوں کا سماں رہتا ہے

نریش کمار شاد

اتنا غمِ حیات نے مایوس کر دیا

اب تو تمہاری یاد بھی آتی نہیں مجھے

اشوک ساہنی