بہار-و-خزاں

مل ہی جائے گی کہیں ، ڈھونڈھنے والوں کو مگر

ہر گلستاں میں خزاں ہو ، یہ ضروری تو نہیں

نہ خزاں میں ہے کوئی تیرگی ، نہ بہار میں کوئی روشنی

یہ نظرنظر کے چراغ ہیں ، کہیں جل گئے کہیں بجھ گئے

بہار آپ کے پیکر کا ایک سایہ ہے

جدھر ہوں آپ خراماں ، ادھر بہار چلے

خزاں نے پھولوں سے چن چن کے انتقام لیا

خطا یہ ہے کہ بہاروں میں مسکرائے تھے

کلیاں یہ کس کے خوف سے پژمردہ ہو گئیں

آمد بہار کی ہے کہ آمد خزاں کی ہے

خوں ٹپکتا ہے ،لالہ و گل سے

اس سے بہتر ، خزاں کا موسم تھا