دعا-دوا-شفا

باقی مرے حصہ میں بس دو ہی تو باتیں ہیں

جینے کی دعا دینا ، مرنے کی دعا کرنا

تو بڑا رحیم و کریم ہے مجھے یہ صفت بھی عطا کرے

اسے بھولنے کی دعا کروں ، تو مری دعا میں اثر نہ ہو

عشرتِ قطرہ ہے دریا میں فنا ہو جانا

درد کا حد سے گزرنا ہے دوا ہو جانا

اٹھتے نہیں ہیں اب تو دعا کے لئے بھی ہاتھ

اس درجہ ناامید ہیں پروردگار سے

سب کچھ خدا سے مانگ لیا ، تجھ کو مانگ کر

اٹھتے نہیں ہیں ہاتھ مرے ، اس دعا کے بعد

میری دعائیں ہو نہ سکیں اس لئے قبول

شاید وہ ان دعاؤں کا حقدار ہی نہ تھا