اردو
urdu hai jiska naam logo

دل

گاہے گاہے اسے پڑھا کیجئے

دل سے بہتر کوئی کتاب نہیں

سعید راہی

میں نظر سے پی رہا تھا تو یہ دل نے بددعا دی

ترا ہاتھ زندگی بھر کبھی جام تک نہ پہنچے

شکیل

دل کیا ملاؤگے کہ ہمیں ہو گیا یقیں

تم سے تو خاک میں بھی ملایا نہ جائے گا

داغ دہلوی

دل کے پھپھولے جل اٹھے سینے کے داغ سے

اس گھر کو آگ لگ گئی گھر کے چراغ سے

میلا رام وفا

یہ بھی کچھ کم نہیں اس کو بھی عنایت کہئے

کوئی اپنا تو ہے اس دل کو دکھانے والا

حسرت جےپوری

آپ پہلو میں جو بیٹھیں تو سنبھل کر بیٹھیں

دلِ بیتاب کو عادت ہے مچل جانے کی

جلیل مانکپوری

محبت کے لئے کچھ خاص دل مخصوص ہوتے ہیں

یہ وہ نغمہ ہے جو ہر ساز پر گایا نہیں جاتا

مخمور دہلوی

وائے حسرت! اب کوئی حسرت نہیں

دل ہے مدفن حسرتِ ناکام کا

اشوک ساہنی