اردو
urdu hai jiska naam logo

دل

دل ابھی پوری طرح ٹوٹا نہیں

دوستوں کی مہربانی چاہئے

عدم

فریادِ غم سے عرشؔ ، سنبھلتا ہے دل مگر

لیتے ہیں اہلِ دل یہ سہارا کبھی کبھی

عرش ملسیانی

ہم نے پالا مدتوں پہلو میں ، ہم کچھ بھی نہیں

تم نے دیکھا اک نظر اور دل تمہارا ہو گیا

آسی رام نگری

شام سے ہی بجھا سا رہتا ہے

دل ہوا ہے چراغ مفلس کا

میر

کیوں لوگ ہوا باندھتے ہیں ، ہمتِ دل کی

ہم نے تو اسے گر کے سنبھلتے نہیں دیکھا

عرش ملسیانی

دلِ ناکام ہی تم نے دیا تھا

دلِ ناکام لے کر جی رہے ہیں

عدم

کسی نے مول نہ پوچھا ، دلِ شکستہ کا

کوئی خرید کے ٹوٹا ، پیالا کیا کرتا

آتش

یارو! دل کیا اجڑ گیا میرا

ایک بستی اجڑ گئی میری

اشوک ساہنی