دکھ-درد

ذرہ ذرہ کانپ رہا ہے

کس کے دل میں درد اٹھا ہے

اگر دردِ محبت سے نہ انساں آشنا ہوتا

نہ مرنے کا الم ہوتا ، نہ جینے کا مزہ ہوتا

دردِ دل کے واسطے پیدا کیا انسان کو

ورنہ طاعت کے لئے کچھ کم نہ تھے کروبیاں

اس سے بچھڑ کے جی کا زیاں کم نہیں ہوا

کچھ بڑھ گیا ہے دردِ نہاں کم نہیں ہوا

غم کی دیوار ، اداسی کے دئے ، درد کے طاق

ایسے گھر میں کوئی مہمان کہاں رہتا ہے

کتنا کوئی کسی کے بچھڑنے کا غم کرے

ہم بھی کسی کے واسطے روئیں گے کتنی دیر

جس جگہ دیکھو اس جگہ موجود

درد ، اللہ سا لگے ہے مجھے

سمسّیا اور دکھ میں فرق بس اتنا سمجھ لیجئے

سمسّیا جائے گی یکتی سے ، دکھ صبر و تحمل سے