جنون-دیوانگی

اس دور میں ہر بات کا امکان ہے یارو

دیوانہ بھی دیوانے کو ، دیوانہ کہے ہے

خرد کا نام جنوں پڑ گیا ، جنوں کا خرد

جو چاہے آپ کا ، حسنِ کرشمہ ساز کرے

یو تو دیوانہ ہنسے یا تو جسے توفیق دے

ورنہ اس دنیا میں رہ کر مسکرا سکتا ہے کون

غمِ دنیا ، غمِ عقبیٰ ، غمِ جاناں ، غمِ دوراں

یہ زنجیریں بھی اب رہتی ہیں دیوانوں سے وابستہ

چلو اچھا ہوا کام آ گئی دیوانگی اپنی

وگرنہ ہم زمانہ بھر کو سمجھانے کہاں جاتے

تمہاری ذات سے منسوب ہے دیوانگی میری

تمہیں سے اب مری دیوانگی دیکھی نہیں جاتی

دلوں کو فکرِ دو عالم سے کر دیا آزاد

ترے جنوں کا خدا سلسلہ دراز کرے

کوئی دیکھے تو مری دیوانگی

رکھ دیا اس کے مقابل ، آئینہ